Sesorah - Bahasa Jawa Kelas 6

 

➤ Sesorah/Pidato utawa medharsabda yaiku ngandarake sawijining gagasan utawa panemu saran lisan ing  sangarepe wong akeh.

➤ Tujuane Sesorah iku maneka warna kayata :

1.Lung tinampen/pasrah tampi

Yaiku sesorah kanggo masrahake lan nampa kayata lamaran,sarahan,utawa calon temanten.

2.Atur pambagya 

Yaiku sesorah kanggo nampa rawuhe tamu ana ing acara apa wae kayata: mantenan,supitan,walimahan utawa perpisahan sekolah.

3.Aweh panglipur/hiburan

Sesorah aweh panglipur ancase supaya sing mirengake bisa seneng atine, kayata: sesorah ana ngomahe wong sing lagi kesripahan.

4.Atur kabar/informasi

Nyeritakake bab-bab maring pamiarsa/pendengar.Umpamane sesorah pelapuran ing rapat organisasi,promosi produk barang.

5. Pangajak

Sesorah iki sipate ngajak marang wong padha ngrungokake supaya kapikut,ketarik atine marang andharan mau.Umpamane sesorah ing papan ibadah,pengajian.

➤ Sing Perlu digatekake / Wigatine Sesorah :

1. Basa

2. Busana

3. Swara

4. Solah bawa (sikap)

➤ Cengkorongan (unsure) sesorah:

1. Salam pambuka

Ngaturake salam marang tamu kayata : Assalamualaikum Wr.Wb, wilujeng dalu, nuwun, kula nuwun, lan liya-liyane.

2. Atur Pakurmatan

Nyebut para tamu lan tetembungan pakurmatan.

3. Purwaka 

Ngaturaken syukur lan panuwun marang Allah SWT.

4. Isi / Surasa

Isine bab apa wae kang bakal diaturake.

5. Pengarep arep

Isi bab sing disuwunake marang para tamu, umpamane donga pangestu pinutur.

6. Panutup

Isine njaluk pangapura marang para tamu anggine nampa rawuhe yen ana kekurangane

7. Salam penutup

Isine ngaturake salam marang para tamu lan tandha menawa acara wis paripurna

Created By : Lilik Stiawan, S.Pd.I